Total Pageviews

Thursday, February 20, 2014

MAMIA YA VIJANA KUNUFAIKA NA MAFUNZO YA BURE YA UALIMU WA UJASIRIAMALI.





Taasisi  ya  RafikiElimu  Foundation  kupitia  Mradi  wa  Elimu  Ya  Ujasiriamali  Mijini  na   Vijijini  ( EUMIVI  -Project )  imejipanga  kutoa  mafunzo  ya  UALIMU  WA  UJASIRIAMALI  kwa  vijana  wapatao  watano  kutoka  katika  kila  kata  ya  jiji  la  Dar  Es  salaam.

Mafunzo  haya  yataanza  rasmi  siku  ya  tarehe  02  Machi  2014  saa  tano  kamili  asubuhi  katika  ukumbi  wa  Chuo  Cha  RAFIKIELIMU  COLLEGE  uliopo  katika  eneo  la  CHANGANYIKENI  karibu  na  CHUO  CHA  TAKWIMU.

Akizungumza  na  RafikiElimu  BLOG, Mratibu  Msaidizi  wa  Mradi  wa  Elimu  Ya  Ujasiriamali  Mijini  &  Vijijini  kanda  ya  Dar  Es  salaam, Ndugu   ARISTARICK  MALLYA    amesema  kuwa, lengo  la  mafunzo  hayo  ni  kuwajengea  vijana  hao  uwezo  wa  kutoa  mafunzo  ya  ujasiriamali  kwa  vijana  wenzao  waliopo  katika  kata  wanazo  ishi.

 Awamu   ya  kwanza  ya  Mradi  huu  ilianza  mnamo  tarehe  01  Septemba  2012  ambapo  sisi  kama  taasisi  kwa  kuwatumia  wataalamu  wachache  tulio nao, tulizunguka  katika  wilaya  mbalimbali  nchini  Tanzania  kwa  ajili  ya  kutoa  mafunzo  haya.

Moja  kati  ya  changamoto  tulizo  kutana  nazo, ni  uhaba  wa  waalimu  wa  ujasiriamali  nchini  Tanzania.

Sekta  ya   ELIMU  YA  UJASIRIAMALI nchini  Tanzania, inakabaliwa  na  changamoto   ya  UHABA  WA  WAALIMU  WA  UJASIRIAMALI.

Hii  ni  changamoto  kubwa  sana  ambayo  inahitaji  ufumbuzi  wa  haraka  ili  kuwasaidia   wajasiriamali  wadogo  wadogo    waliopo  katika  maeneo  ya  mijini  na  vijijini.

Kwa  kuanza  tutaanza  kutoa  mafunzo  kwa  vijana  kumi  ( 10 )  kutoka  katika  kila  kata  ya   mkoa  wa  Dar  Es  salaam.

Baada  ya  mafunzo  haya, vijana  hawa  watapatiwa  vyeti, wataunganishwa  na  kuunda  kikundi ama  taasisi  itakayo  husika  na  kutoa  mafunzo  ya  ujasiriamali  kwa  wajasiriamali  wadogo  wadogo  waliopo  katika  kata   wanazo  ishi.

Kikundi  hicho  kitaingizwa  katika  MTANDAO  WA  WAALIMU  WA  UJASIRIAMALI  TANZANIA  na  kunufaika  na  fursa   mbalimbali  zitakazo  tolewa  chini  mtandao.

Hii  ni  fursa  ya   kipekee  kwa vijana  wa  kitanzania  waishio  jijini  Dar  Es  salaam  wenye  elimu  ya  kuanzia  kidato  cha  nne  na  kuendelea.

Fikeni  katika  Chuo  Chetu  kwa  ajili  ya  kujiandikisha  katika  mafunzo  ya  bure  kabisa  ya  UALIMU  WA  UJASIRIAMALI  yatakayo wajengea  uwezo  wa  kuwasaidia   kujiajiri  kama  waalimu  wa  ujasiriamali.

No comments:

Post a Comment