Total Pageviews

Friday, October 26, 2012

Mradi Wa Elimu Ya Ujasiriamali Mijini & Vijijini Kuzinduliwa tarehe 01 NOVEMBA 2012.

Mradi  Wa  Elimu  Ya  Ujasiriamali  Mijini  &  Vijijini " EUMIVI -Project  " , unao  ratibiwa  na  Taasisi  Isiyokuwa  ya  kiserikali  ya  RafikiElimu  Foundation(  RAEFO  TANZANIA )   unatarajia  kuzinduliwa  rasmi  tarehe  01  NOVEMBA  2012,  kwenye  Ukumbi  wa  HEKO  HALL, uliopo  katika  eneo  la  SINZA - AFRIKA  SANA  jijini  Dar  Es  salaam.

Akiteta  na  RAFIKIELIMU  BLOG ,  Msemaji  wa  Taasisi  ya  RAEFO  TANZANIA , Ndugu  Consolatha  THADEUS  amesema  ya  kuwa  ingawa  mradi  utazinduliwa, siku  ya  tarehe  01  NOVEMBA  2012, saa  tisa  kamili  Alasiri  lakini  mafunzo  yatakuwa   yakifanyika  asubuhi  na  mchana na  yatakuwa  yakifanyika  kila  siku  kwa  muda  wa  miezi  miwili  ambapo  kwa  kuanza,  wanafunzi  watapatiwa  mafunzo  kwa  njia  ya  nadharia   katika  awamu  ya  kwanza  kisha  kumalizia  na  mafunzo  kwa  njia  ya  vitendo  katika  awamu  ya  pili ya  mafunzo.

"  Tumeamua kuyafanya  mafunzo  asubuhi  na  jioni  ili  kuwapa  nafasi  watokao  makazini  ambao  mara nyingi  wanakuwa  hawana  nafasi  wakati  wa  asubuhi  na  mchana  kutokana  na  kubanwa  na  majukumu  kazini"  Alisema   Dada  CONSOLATHA  THADEUS.

" Mafunzo  yatakuwa  yakifanyika  katika  utaratibu  na  ratiba  ifuatayo  :  Wanafunzi  watagawanywa  katika  makundi  makuu  mawili, kundi la  kwanza  litasoma  kati  ya  Saa  3 kamili  asubuhi  hadi  saa  sita  kamili  mchana  na  kundi  la  pili  litakuwa  likisoma  kati  ya  saa  9  kamili  alasiri  hadi  saa  12  kamili  jioni "  aliongeza. Ms  THADEUS.

Mradi  wa  Elimu  Ya  Ujasiriamali  Mijini  &  Vijijini,  ni  Mradi  ambao  umelenga    kupambana  na  tatizo  la  ukosefu  wa  ajira  nchini  kwa  kutoa  elimu  ya  ujasiriamali  kwa  watu  wa  kada  mbalimbali  katika  jamii  kama  vile, vijana, wakina  mama  wajane, wakina  mama  na  vijana  walio  katika  vikundi  vya  uzalishaji,  wastaadu na  wanaop  jiandaa  kustaafu, wanafunzi  wa  mashuleni  na  vyuoni,   wanachama wa  VICOBA  na  SACCOSS  mbalimbali  nakadhalika.

Mafunzo  katika  mradi  huu  yatatolewa  bure  na  yataanza  rasmi  tarehe  01  NOVEMBA  2012.

No comments:

Post a Comment